رغم إن الأمومة دي غريزة فطرية عند أنثى كل الكائنات تقريبا لكن الغريب إن فيه مَثَل شعبي عن القطط بيقول "القطة أكلت عيالها".. الغريب إنه معلومة حقيقية مش مجرد مَثَل أو رمز.....
والمخيف إن دا موجود في عالم البشر
من ضمن الأسباب الغريبة، إنها بتاكل أولادها من كُتر خوفها عليهم وإحساسها بالخطر اللي ممكن يكونوا فيه.. يعني دا قمة التعبير عن الحب بالنسبة لها، الأمومة في أبهى صورها من وجهة نظرها.
إزاي بقى دا بيحصل في عالم البشر!!!!!
الأم بتاكل عيالها... لما بتاكل حقهم في الإختيار.
الأم بتاكل عيالها... لما بتحاول تحميهم من الناس فتعزلهم عنهم.
الأم بتاكل عيالها... لما بتحاول تفكرلهم وتحددلهم مصايرهم.
الأم بتاكل عيالها... لما بتشوف إن من حقها التدخل في كل التفاصيل.
الأم بتاكل عيالها... لما من صغرهم تشجع فيهم كلمة "حاضر ونعم" بس.
الأم بتاكل عيالها... لما تحاول تخليهم شبهها ونسخة منها.
الأم بتاكل عيالها... لما بتشوف إنهم من حقها وبتوعها.
الأم بتاكل عيالها... لما تميل لحد على حساب التاني.
الأم بتاكل عيالها... لما تحاول تحقق أحلامها من خلال أولادها.
الأم بتاكل عيالها... لما تحاول تحقق أحلامها من خلال أولادها.
وكل ده للأسف بيبقى بسلامة نية.. والدافع هو الحب والأمومة.
كلمة للأمهات...
ياريت تكبّروا أولادكم من غير ما تاكلوهم ولا تبلعوهم من حياتهم.
و اللي هيبقوا أمهات..
الوقت والفرصة لسه موجودين تشتغلوا على نفسكم وتجهزوا للمسئولية العظيمة دي، علشان اللي يجي بعدكم يكون جيل واعي، واثق في نفسه، عارف هو عايز إيه، وبيعرف يفكر ويقرر... جيل عايش مش متاكل
كل سنة وإنتوا أصل الحياة
تعليقات
إرسال تعليق