كلنا عارفين
السؤال اللولبى اللى حير الملايين ... البيضه الأول ولا الفرخه ..
ونفضل نلف
حوالين نفسنا .. أصل لولا الفرخه باضت ماكانتش هتيجى البيضه ولولا البيضه فقست
ماكانتش هتيجى الفرخه ... وتلف الدايرة
فيه كلمتين
تانى ممكن يخلونا نلف نفس اللفه رغم إنهم يبانوا واضحين ( البداية ، النهاية )
إزاى ؟؟
البديهى إن
البداية بتيجى فى الأول والنهاية فى الآخر .. بس فى الحقيقه هم الإتنين مرتبطين
ببعض وبيفضلوا يلفوا ورا بعض دايما
بداية أى
مرحله هى أكيد موجودة علشان فيه مرحله غيرها إنتهت ..و النهاية موجودة علشان
المرحله دى بدأت
مافيش بداية
من غير نهاية قبلها ومافيش نهاية من غير بداية قبلها
المشكلة
دايما فى إيه اللى بينتهى وإيه اللى بيبدأ ؟؟؟
ياترى لما
هبدأ هتبقى فعلا حاجة إضافه ولا مش هتفرق عن اللى نهيته قبلها
نفسى كل
نهاية تبقى تأهيل للبداية الجديدة اللى بعدها علشان ابدأ استغل اللى إتعلمته
وأطبقه وبعدها أقدر أحط نهاية وابدأ فى اللى بعده
عايز أهتم بتفاصيل البدايات علشان هتحدد شكل النهاية .. وهاهتم بالنهايات لأنها هتمهد للبداية اللى بعدها
مش مشكله
مين قبل مين .. بس مشكله لو كلهم شبه بعض
تعليقات
إرسال تعليق