كلنا عارفين
صديقنا الفرنسى اللى إتهرى خطابات مننا علشان نقوله على كلام كله هرى وإحنا مش
مصدقينه بس مجبرين نكلمه عن حاجات ممكن تكون مش واقعيه ولا إحنا عارفينها أصلا ..
بس مع نهاية السنة دى ممكن تكتب خطاب لكن لصديقك المصرى مش الفرنسى
إمسك ورقة
وقلم أو إفتح صفحه جديدة فى الword وإبتدى من أول السطر ... وإكتب
إكتب خطاب
لصديقك المصرى الجدع .. صديقك اللى وقف جنبك السنة اللى فاتت .. صديقك اللى حس بيك
وإنت مش بتتكلم .. صديقك اللى أنقذك من ورطه .. صديقك اللى ضحك معاك جدا وبكى جنبك
.. صديقك اللى خلى فيه لحظات فى السنة اللى فاتت تتحفر فى ذهنك وماتنسهاش .. صديقك
اللى كان فيه تواصل بينكم كتير .. وصديقك اللى ماكانش بيلومك لما تتشغل وماتسألش
.. صديقك اللى مشى معاك مشوار علشان تتطوروا وتتغيروا .. صديقك اللى خربها وعدلها
معاك
إكتب لصديقك
اللى ماعملش ولا حاجة من دول .. هو برضو كان جزء فى حياتك علمك تختار أصحابك بعدين
إكتب كل
اللى عديت بيه هتلاقى نفسك بتفتكر حاجات كتير حلوة و وحشة وفى الحالتين هتحس إنك
كسبان لإنك إستفدت وإتطورت وكبرت وفهمت سواء بالراحه أو بالألم
إكتب و ودع
السنة اللى فاتت
إكتب و
إستقبل السنة الجديدة وإنت بتقولها أحلامك وطموحاتك علشان تفتكرها كل ماتقراها
وتفتكر إن لسه عندك كتير تعيش تحققه وناس كتير محتاج تبقى معاهم ويبقوا حواليك
تعليقات
إرسال تعليق