لو إنت من بتوع أستغفر الله العظيم وإيه الكفر اللى بيتقال ده أوعى تكمل قراية .. الموضوع ده للى بيشغل مخه قبل لسانه وعواطفه ومستعد يفكر فعلا
-
ليه كل ما واحد يحب يثبت وجهة نظره يجيب كلام من الإنجيل أو القرآن أو أيا كان دينه
إيه .. لازم علشان يقفل النقاش على اللى قدامه يقوله "ربنا بيقول" ؟؟
- ليه أحيانا
بنلاقى واحد يمسك آيه من كتابه ويفسرها على مزاجه والناس الغلابة اللى أحيانا
بنبقى أنا وإنت منهم نمشى ورا كلام كله هلس وتفاسير شخصية لمصلحة المفسر بس مش
أكتر ومش بعيد تلاقيه مقتنع برأيين عكس بعض ومع ذلك أحيانا بنمشى وراهم برضو ونفضل
مقتنعين بيهم وبآرائهم (الموضوع ده لسه هنفتحه فى بوست تانى براحتنا J ) ؟؟
- ليه بنتعامل
مع الله زى المحاميين .. بندور على ثغرات علشان نحلل بيها الحرام بتاعنا ؟؟
- ليه الله
بقى مجرد كارت بنلعب بيه لإقناع اللى قدامنا بأى حاجة وبنتحاشى بيه أسئلته اللى
ممكن تكشف حقايق كتير مش عايزينه يعرفها ؟؟
- ليه فيه
ناس لما تبقى أمورهم تمام بيعيشوا وكأنهم هم اللى مسيطرين على الدنيا ولما تتكركب
فوق دماغهم يبتدوا يلوموا ربنا على اللى بيحصل ؟؟
- و فيه ناس
لما بيبقوا مبسوطين بيشكروا ربنا بس لما بتحصل حاجة وحشة برضوا يلوموا ربنا ويتقلبوا
عليه ؟؟
- ليه لو
واحد قال رأى ماعجبش الناس وهيج الدنيا عليه تلاقى اللى حواليه بيقولك أصل دا
متطرف .. دى اراء شخصية ... لدرجة إنك بعد فترة تبقى مش عارف هو الإعتدال فين ؟؟
وفين الرأى الصح ؟؟ ... كلنا بقينا بالنسبة لبعض متطرفين وارائنا شخصية
خلاصة الكلام
،
إحنا ليه
مفصلين ربنا على مزاجنا ؟؟ بنحطه فى قوالب وإستخدمات معينة علشان يخدم أغراضنا ؟؟
هو مين فينا
اللى إله التانى ؟؟ مين فينا اللى خلق التانى ؟؟
كفاية إهانة
لله بإستخدامه لأغراض شخصية ... هويتك مش فى دينك ولا الناس هتحترمك لأنك بتبخ
كلمتين محفوظين من كلام ربنا ... الله مش برستيج فى وسط أصحابك
الله خلقك
علشان تحبه وتعرفه وتعيش معاه وتعبده بينك وبينه اما اللى حواليك فالمفروض تبقى سبب تغيير إيجابى وسعادة ليهم ... لو
ماعرفتش تعمل كده لو سمحت تبطل كلام عن واحد ماتعرفوش
تعليقات
إرسال تعليق