إدمان الدين

فيه نوع من أنواع الإدمان منتشر جدا فى المجتمع الشرقى وهو إدمان الدين

- أسباب الإصابة :

1- التسليم لكل ما هو موروث بدون تفكير

2- القراءة والإطلاع على كل ما هو مؤيد للفكر دون معرفة وجهات النظر المقابلة وأسباب المعارضة

3- الخوف من الخروج عن القطيع

- أعراض المرض :

1- الميل الزائد لممارسة الطقوس والفرائض

2- حفظ كمية من المقولات الدينية الرنانة دون فهم

3- واقع عملى مختلف تماما لكل ما هو محفوظ من تعاليم ومقولات

4- مهاجمة أى معارض بشراسة دون تفكير

5- خلق شخصية جانبية خفية لا تظهر إلا عند الإنفراد او الوجود وسط أصدقاء السوء

- المضاعفات :

1- إنفصام الشخصية نتيجة الإعتياد على الشخصية الجانبية

2- الإنغماس الزائد فى ممارسة الطقوس بجفاء رهيب دون الإحساس بها (أداء واجب)

3- ضمور إمكانية التفكير بسبب التحميل الزائد على المخ فى الحفظ

4- العدوانية نتيجة الإهتمام بالمحافظة على كيان الدين أكثر من المحافظة على رسالته

5- إنعدام الشعور بالإنسانية ، و الشعور بالقيمة فقط بين القطيع

الكلام اللى فات مش موجه لدين معين لكن لكل الأديان .. ومش هدفه إنى أقول إن الدين حاجة مش كويسة لكن الإهتمام الزايد بالدين وشكلياته بيدمر علاقتى بربنا اللى المفروض انا باعرفه من خلال دينى أيا كان

الكلام اللى فات هو ببساطة دعوة للتفكير فى المسلمات علشان تبقى واثق من اللى إنت مقتنع بيه ودا مش هيحصل لما تسمع من ناحية واحدة لكن لازم تسمع الرأى المضاد

كفاية إهتمام إننا نحافظ على كيان وعلى مجموعة وعلى طايفة وعلى معتقد ودور على ربنا ولما تلاقيه هتلاقى المعتقد الصح اللى تؤمن بيه والطقس والفرض اللى هتعمله وهو مش فرض لكن علاقة حب مع الله