إنهاردة عيد الحب كان جميل جدا لأنى قابلت ناس غاليين قوى علىّ وحكينا فى حاجات مهمة .. واتسألت سؤال غريب
" هو إنت بتتشكمن مع مين ؟؟؟ " .. أكيد كلكم مبلمين زى ما أنا بلمت
بالظبط لغاية لما فهمت إن حكاية تتشكمن دى جاية من كلمة شكمان بتاع العربية ...
طيب برضو إيه الموضوع ؟؟
طبعا إنتوا عارفين إن الحب إحتياج عند كل واحد وأى بنى آدم طبيعى محتاج إنه يحب ويتحب والكلام ده ... بس أول مرة أعرف إن ممكن علاقة الحب دى تبقى مجرد شكمان بينفس عن اللى جوا العربية ... يعنى الواحد جواه شوية عواطف ومشاعر عايز يطلعهم فبيشوف أى واحدة يطلعهم فيها
طبعا إنتوا عارفين إن الحب إحتياج عند كل واحد وأى بنى آدم طبيعى محتاج إنه يحب ويتحب والكلام ده ... بس أول مرة أعرف إن ممكن علاقة الحب دى تبقى مجرد شكمان بينفس عن اللى جوا العربية ... يعنى الواحد جواه شوية عواطف ومشاعر عايز يطلعهم فبيشوف أى واحدة يطلعهم فيها
طبعا دا شكل سلبى لعلاقة المفروض تكون جميلة ... بس تصدقوا إن فيه علاقات كتير كده " مجرد تسديد إحتياج " بالبلدى ( سد خانة ) وعلشان كده مش غريبة إننا بنسمع عن قصص حب فاشلة كتير اليومين دول أو خطوبات بتتفك أو جوازات بتبوظ ومشاكل
نفسى كلمة الحب تخرج بره أفلام عمرو وسلمى و بره مزيكا Love story وبره جو المصلحة وبره العيلة ( أحيانا بنبقى مضطرين نحب ناس لمجرد إنهم
موجودين فى عيلتنا )
الوحيد اللى بيعرف يحب حب غير محدود وبدون مصلحة وبيستمر يحب حتى لو اللى قدامه مش كويس هو الله ... وحط جوانا قلب
بيعرف يعمل كده بس المشكلة إننا مش عارفين نشغله ... ما تيجوا نخلى ربنا يعلمنا
نحب الناس إزاى
انا عن نفسى هاحب كل الناس ولو حد قالى أنا بأحبك مش هاقوله سورى أصل أنا مرتبط :)
تعالوا نحب بعض بجد ونقبل بعض بإختلافاتنا وعيوبنا ... ويبقى الحب مش سد خانة لكن
حاجة طبيعية طالعة من قلب الله خلقه علشان يحب مافيهوش option الكراهية والرفض ... تعالوا نخلى عيد الحب نحتفل فيه بحبنا كلنا لبعض مش لحد معين ;)
وخليكم فاكرين إن " الحب مش قالب نتحط فيه ، الحب قلب نعيش بيه "
Happy SHOKMAN day
وخليكم فاكرين إن " الحب مش قالب نتحط فيه ، الحب قلب نعيش بيه "
Happy SHOKMAN day
تعليقات
إرسال تعليق