الزحليقة

- هو فيه ناس زحاليق وناس مراجيح

-  اه فيه

-  إزاى يعنى ؟؟؟

- أقولك أنا

مش عايز أرغى كتير لكن الفكرة إن الزحليقة بتاخد الحاجة اللى بتتحط عليها من فوق وبتنزلها تحت بسهولة من غير ما تتصدم بالأرض

والمرجيحة للأسف كل واحد يركبها ياخدها فى الإتجاه اللى هو عايزه وبالسرعة اللى هو عايزها

 

بإختصار

لو عيشت مرجيحة فإنت نتيجة الظروف ونتيجة اللى بيركب ويتحكم فيك ... يعنى إنت رد فعل سلبى ورايح مع اللى رايحين وجاى مع اللى جايين ...... وبكده تكون بتخسر قيمة حياتك كلها

الله ليه خطة لكل واحد فينا وعايز يستخدمنا فى التغيير اللى بيحصل

لو كنت زحليقة هتاخد اللى من عنده فوق وتنزله تحت للناس اللى حواليك و هو دا إسلوب التغيير الحقيقى

لو إنت بين إيدين الله وحساس لكل اللى بيقوله هتعرف تاخد من عنده الحق .. وخلى فى بالك كذا حاجة مهمة

" الله هو الحق ، فبنشرك الحق لمن حولك أنت تصلهم بالله ...... وهذا أعظم تغيير "

 " الله ليس إله مجهول او صعب الوصول إليه ... وإلا فأضل لى أن أكون بلا إله عن أعبد إله مجهول يحب المفاجآت "

" الله لم يخلق الإنسان عبثا أو لتزيين لوحة الخليقة ببعض الكائنات المتحركة "

" الله خلقنا ليتمم بنا مقاصده .. فإعرف مقصده لك وإسع فيه "

" الله روح ولذلك وضع فى الإنسان الروح ليستطيع التعامل معك ... فوجه روحك لإستقبال ما بروح الله " 

انا يمكن مش منظم أفكارى المرة دى .... بس دا كل اللى جوايا

انا مش هابقى مرجيحة فاضية مش بتعمل أى حاجة غير إنها تروح يمين وشمال .... لكن هابقى زحليقة وهاخد اللى عند ربنا فوق وهزحلقه على الناس تحت

وإنت كمان .. خليك زحليقة و  +B  :)