الدايرة والمثلث

فيه حاجات بتبقى عادية جدا وعارفينها من زمان .. بس فجأة بتشوفها بطريقة مختلفة

- طيب دا إيه علاقته بالدايرة والمثلث ؟؟؟؟؟ هم ينفع نشوفهم بطريقة مختلفة ؟؟؟؟؟
- ممكن جدا

الدايرة
ببساطة حاجة مدورة مالهاش بداية ولا نهاية وكمان مافيهاش أى ركن أو زاوية - بحسب المفهوم الهندسى - ودا اللى بيفرقها عن المربع والمستطيل والمثلث وأنا بقى عايز أركز على المثلث بالذات.
أحلى حاجة فى الأشكال اللى قولتها إن ليها خطوط محددة يعنى ليها بداية ونهاية لكن الدايرة لأ

المثلث
ببساطة هو 3 أضلاع ممكن يكونوا متساويين وممكن يكونوا 2 بس متساويين وممكن ولا واحد بيساوى التانى ... بس أنا هاركز على متساوى الساقين علشان فيه نقطة واحدة علاقتها أو المسافة بينها وبين الإتنين التانيين متساوية

خلونا نفكر فيها بطريقة تانية

لو بتدور على ركن هادى ترتاح فيه يبقى ماينفعش تدور عليه وسط دايرة مشغولياتك أو دايرة صراعك مع خطية أو حتى دايرة خدمة فى الكنيسة
لو عايز ترتاح فعلا فى مكان هادى يبقى زى ما بيقولوا "روح الركن الهادى"
وطبعا دا هايودينا للمثلث المتساوى الساقين اللى فيه زاوية بعيدة عن باقى الزوايا ودا شئ طبيعى فيه والركن دا هو ركن الله .... لو عايز راحة من أى حاجة - حط مليون خط تحت كلمة أى حاجة- مش هتلاقى الراحة دى غير عنده

لو تعبان من مشاكل أو من حياتك أو من حاجات معينة مش كويسة موجودة فى حياتك .. تبقى محتاج تيجى فى الركن الهادى وتستريح

ومن وجهة نظرى دا أحسن شكل للحياة

A : ركن الله الهادى اللى ينفع أقعد وأستريح فيه
B :ركن الناس ودول بلاش أستريح عندهم علشان برضو مش دايما بيكونوا مفيدين
C : ركنى أنا مع نفسى ودا بلاش برضو أستريح فيه علشان مش دايما بيكون مفيد

أنا عارف إنها فكرة يمكن تكون غريبة بس دا اللى كان بيدور فى دماغى 

فكر فيها و +B :)